Gəncənin Cavadxan qəsəbəsi Məmmədağa İsrafilzadə küçəsində Mənzil Kommunal Təsərrüfatı İstehsalat Birliyi (MKTİB) tərəfindən təmizlik işləri aparılıb.
Gencexeber.az-a MKTİB-dən bildirilib ki, sözügedən ərazinin məsuliyyətsiz sakinlər tərəfindən ciddi çirkləndirilməyə məruz qoyulması halı artıq bir neçə dəfədir ki, təkrar olunur.
Qeyd olunub ki, MKTİB sözügedən ərazinin şəxsi mülkiyyətə aid olmasına, həmçinin qurumun xidmət sahəsinə daxil olmamasına baxmayaraq dəfələrlə ərazidə kompleks təmizlik işləri həyata keçirib və sakinlərlə maarifləndirici söhbətlər aparıb: "Lakin buna baxmayaraq həmin əraziyə mütəmadi olaraq müxtəlif növ tullantıların atılması xoşagəlməz mənzərənin təkrarlanmasına səbəb olur".
Həmçinin bildirilib ki, qəsəbənin Məmmədağa İsrafilzadə və digər küçələrinin sakinləri, məişət tullnatılarının daşınması xidməti üçün bir neçə ildir ki, abonent olaraq qurumda uçota durmaqdan və vəsait ödəməkdən boyun qaçırırlar. Bu da ərazidə zibil konteynerlərinin MKTİB tərəfindən yerləşdirilməsi və xidmətin aparılması məsələsini müşkülə çevirir.
