Xəbər verdiyimiz kimi, Prezident İlham Əliyevin Sərəncamı ilə Bəhruz Vidadi oğlu Əhmədov Azərbaycanın Hərbi prokuroru təyin edilib.
Bəs Azərbaycanın yeni Hərbi prokuroru kimdir?
Bakıvaxtı.аz xəbər verir ki, Bəhruz Əhmədov 4 iyul 1984-cü ildə anadan olub. Bakı Dövlət Universitetinin hüquq fakültəsini bitirib. Əslən Neftçala rayonundandır.
Hüquq-mühafizə və hərbi sahədə uzun illər səmərəli fəaliyyət göstərmişdir. O, Azərbaycan Respublikası Hərbi Prokurorluğunun peşəkar və təcrübəli kadrlarından biri kimi tanınır.
Əmək fəaliyyətinə prokurorluq orqanlarında başlamış Bəhruz Əhmədov bir sıra məsul vəzifələrdə çalışıb, o cümlədən, 2018-ci ilin noyabrında Qazax rayonunun Hərbi prokuroru və 2020-ci il iyulun 9-da isə Azərbaycan Respublikası Hərbi Prokurorluğunun İstintaq idarəsinin rəisi vəzifəsinə təyin edilib.
Yeni Hərbi Prokuror, həmçinin 2021-ci ildə "Vətən uğrunda" medalı ilə də təltif edilib.
