Gəncədə uşaq evi agentliyin tabeliyinə verilib. Bu haqda 5 dekabr tarixində Qafqazinfo-ya istinadən məlumat veririk.
Baş nazir Əli Əsədov qərar imzalayıb. Sənədə əsasən, Gəncə şəhər məktəbəqədər və məktəb yaşlı uşaqlar üçün qarışıq tipli uşaq evi İcra Hakimiyyətinin tabeliyindən çıxarılıb. Müəssisə ştat vahidləri və ona məxsus əmlakla birlikdə Sosial Xidmətlər Agentliyinin tabeliyinə keçib.
Əmək və Əhalinin Sosial Müdafiəsi Nazirliyi Sosial Xidmətlər Agentliyinin tabeliyində müvafiq publik hüquqi şəxslərin yaradılması üçün iki ay müddətində zəruri tədbirlər görülməsini təmin etməli, bu qərardan irəli gələn digər məsələləri həll etməlidir.
