Xəbər verdiyimiz kimi, Yenikənd su anbarında moratoriuma baxmayaraq, qanunsuz torla balıq ovu aparılıb. Naməlum iki şəxs balıq ovuna tətbiq edilmiş moratoriumu pozaraq, tor vasitəsilə balıq tutublar.
Gencexeber.az-ın məlumatına görə, Su Nəqliyyatında Polis İdarəsinin əməkdaşları tərəfindən görüntülərlə bağlı müvafiq tədbirlər həyata keçirilib. Araşdırmalar zamanı qanunsuz balıq ovu ilə məşğul olan şəxslərin V.Həsənov və C.Qurbanov olmaları müəyyən olunub.
Həmin şəxslər barəsində inzibati protokol tərtib edilib. Araşdırmalar davam etdirilir.
Qeyd edək ki, balıqların kürütökmə dövrünü nəzərə alaraq, 1 may 2025-ci il tarixindən etibarən ölkə üzrə bütün su hövzələrində balıq ovuna moratorium elan edilib. Qadağa sentyabrın 1-dək qüvvədə qalacaq. Bu qaydanın əsas məqsədi nəsli kəsilməkdə olan balıq növlərinin qorunması və ekoloji balansın saxlanmasıdır.
