Şəmkir rayonunda yol-nəqliyyat hadisəsi baş verib.
Gencexeber.az-ın məlumatına görə, hadisə Şəmkir–Yenihəyat yolunda qeydə alınıb. Hərəkətdə olan "Lada Priora" markalı minik avtomobili idarəetmədən çıxaraq aşıb. Daha sonra nəqliyyat vasitəsi yol kənarındakı ağaca çırpılıb.
Qəza nəticəsində 2002-ci il təvəllüdlü gənc və daha bir nəfər xəsarət alıblar. Yaralılar xəstəxanaya yerləşdirilib. Onların vəziyyətinin kafi olduğu bildirilir.
Hadisə yerinə polis əməkdaşları cəlb olunub.
Faktla bağlı araşdırma aparılır.
