Gəncədə dilənçilər saxlanılıblar. Bu haqda 12 oktyabr tarixində Apa-ya istinadən məlumat veririk.
Şəhər Baş Polis İdarəsi və onun tabeli qurumlarının əməkdaşları şəhər ərazisində tüfeyli həyat tərzi keçirən və dilənçilik edərək vətəndaşların narazılığına səbəb olan şəxslərlə bağlı profilaktiki tədbir keçirib. Nəticədə 28 nəfər saxlanılaraq ərazi üzrə Polis Şöbələrinə gətirilib.
Onlarla profilaktiki söhbətlər aparılıb. İnzibati Xətalar Məcəlləsinin müvafiq maddəsi ilə protokol tərtib edilib.
Sonra saxlanılan şəxslər qeydiyyatda olduqları şəhər və rayonlara göndəriliblər.
