Gəncədə xəstəxanaların birinə yeni həkim təyin olunub. Bu haqda 1 noyabr tarixində Şəhər Birləşmiş Xəstəxanasına istinadən xəbər veririk.
Gəncə Şəhər Birləşmiş Xəstəxanasının nəzdindəki Perinatal Mərkəzdə yeni həkim-neonatoloq fəaliyyətə başlayıb. Söhbət uzman doktor Kəmalə İmran qızı Süleymanovadan gedir.
Həkim-neonatoloq 24 dekabr 1971-ci ildə Gəncədə anadan olub. 1995-2002-ci illərdə Türkiyənin İstanbul şəhər Cərrahpaşa Tibb fakültəsində ali təhsil alıb. 2011-ci ildə uşaq xəstəlikləri və sağlamlığı sahəsində uzmanlıq dərəcəsi alaraq, fəaliyyətini Türkiyədə davam edib. 2012-ci ildən 2023-cü ilə qədər İstanbul şəhərindəki müxtəlif xəstəxanalarda - Acıbadəm Bakırköy Xəstəxanasında, “Medicana Avcılar Hastanesi”ndə, “Florya” xəstəxanasında, “Rota Tıp Merkezi”ndə fəaliyyət göstərib.
