Heç bir media resursunda fəaliyyət göstərməyən Fəqani Hüseynov yenidən gündəmə gəlib.
Gencexeber.az məlumat verir ki, o, bu dəfə özünü "Yaşıl Azərbaycan" televiziyasının əməkdaşı kimi təqdim edib. Ona inanmadığını bildirən qadın müəssisənin harada yerləşdiyini soruşduqda, Fəqani Hüseynov səsini yüksəldərək "sən onda mətbuatdan uzaqsan" cavabını verib. Bundan sonra da kişinin ünsiyyəti qeyri-adi tərzdə davam edib.
Qeyd edək ki, ötən ay da Fəqani Hüseynovun davranışı sosial şəbəkələrdə müzakirələrə səbəb olmuşdu. Belə ki, onun "Azərbaycan Respublikasının Milli Məclisinin informasiya portalının direktoru Fəridə xanımın", eləcə də ölkə Prezidentinin adından Gədəbəy rayonunda Kommunal Müəssisələri Kombinatının direktor əvəzi Ruslan Mustafayevə "fəxri diplom" təqdim etdiyi bildirilirdi.
Məlumata görə, özünü jurnalist kimi təqdim edən Fəqani Hüseynov barəsində Gədəbəy Rayon Məhkəməsinin qərarı ilə 10 sutka inzibati həbs tədbiri seçilmişdi.
Hadisə ilə bağlı yayılan yeni görüntü və iddialar isə onun yenidən oxşar davranışlarla diqqət mərkəzinə düşdüyünü göstərir.
