Xəbər verdiyimiz kimi, Samux rayonunun Sarıqamış kəndində üç nəfərin ölümü ilə nəticələnən ağır yol-nəqliyyat hadisəsi baş verib.
Gencexeber.az bildirir ki, qəzada həyatlarını itirən 1975-ci il təvəllüdlü Samir Əhmədov və 1987-ci il təvəllüdlü Fəridə Əhmədova ər-arvad olublar. Digər vəfat edən şəxs 1962-ci il təvəllüdlü Aqilə Alıyeva ailənin yaxın qohumu idi.
Hadisədə xəsarət alan 17 yaşlı Əhməd Əhmədov isə ailənin övladıdır.
Qəza "VAZ - 2107" və "Mercedes" markalı maşınların toqquşması nəticəsində baş verib. Qəzada həmçinin "Mercedes" markalı avtomobilin sürücüsü 1994-cü il təvəllüdlü Məhəmməd Hüseynov da xəsarət alıb.
Faktla bağlı araşdırma başlanılıb.
