Azərbaycanın Tehrandakı səfirliyinə silahlı hücum zamanı qətlə yetirilən Orxan Əsgərovun atası Rizvan Əsgərov cinayəti həyata keçirən İran vətəndaşı Yasin Hüseynzadə ilə bağlı məhkəmənin edam qərarının icra olunmasına münasibət bildirib.
Gencexeber.az-a açıqlama verən R.Əsəgrov deyib ki, bu gün səhər saat 5 radələrində Azərbaycan səfirliyinə hücum edən və oğlumun qatili olan şəxs öz layiqli cəzasını aldı:
“Edam hökmünün icrası prosesində nümayəndələrimiz - Azərbaycan səfirliyinin iki əməkdaşı və bizim vəkilimiz iştirak edib. Azərbaycan səfirliyinin əməkdaşları terrorçunun öldüyünə tam əmin olduqdan sonra oranı tərk ediblər. Bu hadisə şübhəsiz ki, bizim ağrımızı bir balaca yüngülləşdirdi. Çünki mən də, ailəm də özümüzü günahkar hiss edirdik ki, Orxanın qatil hələ həyatdadır. Düzdür, o yara həmişəlik qalacaqdı bizə. Ancaq qatilin edamı heç olmasa təsəlli yaratdı. Bir daha Azərbaycan Respublikasının Prezidenti İlham Əliyevə öz minnətdarlığımı bildirmək istəyirəm. Çünki cənab Prezidentin qəti mövqeyi olmasaydı, bu edam hökmü icra olmayacaqdı. Allah bütün şəhidlərə rəhmət eləsin”.
Humay İsgəndərli
