Gəncədə Olimpiya İdman Kompleksi təmir olunur. Bu haqda 29 sentyabr tarixində Kəpəz televiziyasına istinadən məlumat veririk.
Bərpa işləri, əsasən, top oyunları zalında yerinə yetirilir. Buna səbəb Cavad xan yurdunun iki komandasının ölkə çempionatının ev oyunlarını bu idman qurğusunda keçirəcəyidir. Söhbət basketbol və voleybol klublarından gedir. Zallar adıçəkilən idman növlərinin federasiyaları tərəfindən verilən qaydalara uyğun hala gətirilir.
Yeni mövsümə hazırlıq işləri çərçivəsində kompleksin digər zalları da bərpa olunur. İdman Sarayı istifadəyə verilənədək əksər yarışlara Gəncə Olimpiya İdman Kompleksi ev sahibliyi edəcək.
Sözügedən təmir işlərinin 2-3 gün ərzində yekunlaşması planlaşdırılır.
