Bu gün Novruz bayramının çərşənbələrinin ikincisi - Od çərşənbəsidir.
Gencexeber.az məlumat verir ki, Od çərşənbəsi xalq arasında, həmçinin "Üskü çərşənbə", "Adlı çərşənbə" kimi tanınır. Od tonqal, istilik mənasını daşıyır və yaz fəslinin başlanmasının əsas göstəricilərindən biridir.
Xalq arasında odla bağlı bəzi inanclar da mövcuddur:
- Od çərşənbəsində odun, tonqalın yandırılması gələcək ilin isti, bərəkətli keçməsinə işarədir;
- Od çərşənbəsində tonqal qalayıb, üç dəfə "Ağırlığım, azarım-bezarım odda yansın" deyərək, odun üstündən tullanmaqla insanlar xəstəliklərdən, pisliklərdən xilas olunacaqlarına inanırlar;
- Çərşənbədə yeməklər, şirniyyatlar hazırlanır, ocaq boş qoyulmur;
- Ocaq yananda səs çıxırsa, deyərlər ki, kimsə qeybətini edir;
- Od hisli olarsa, "uzaqdan qonaq gələcək" deyərlər;
- Ocaqda kül titrəyəndə "od xeyirə oynayır" deyərlər;
- Ocağı dağıdan xeyir tapmaz.
