Gəncədə iki qardaşı bıçaqlayan şəxsin istintaqı başa çatıb. Bu haqda 27 oktyabr tarixində Baş Prokurorluğa istinadən məlumat veririk.
Ötən ilin dekabr ayında bir qrup şəxs şəhər sakini Niyazi Bayramov və qardaşı Kamal Bayramova çoxsaylı xəsarətlər yetirmişdi. Nəticədə onlardan birincisi dünyasını dəyişmişdi.
Sözügedən cinayət işi ilə bağlı şəhər prokurorluğunda başlanmış cinayət işinin istintaqı tamamlanıb. İstintaqla Ayxan Bayramovun tanışları Murad Nəcəfov və Seymur Abdullayevlə qabaqcadan əlbir olan bir qrup şəxs halında tanışı Niyazi Bayramovu bıçaqla çoxsaylı xəsarətlər yetirərək xüsusi amansızlıqla və xuliqanlıq niyyəti ilə qəsdən öldürməsinə, sonuncunun qardaşı Kamal Bayramovu isə qəsdən öldürməyə cəhd etməsinə əsaslı şübhələr müəyyən edilib.
Üç nəfərdən ibarət qruplaşmanın üzvlərinə yekun ittiham elan olunub və cinayət işi baxılması üçün Gəncə Ağır Cinayətlər Məhkəməsinə göndərilib.
