Xəbər verdiyimiz kimi, Gəncəçayın Məmməd Bürcəliyev küçəsindən keçən hissəsində məcrada müşahidə olunan sululuq artımı nəticəsində avtomobil yolu bir neçə yerdə dağılıb.
Gencexeber.az Gəncə Şəhər İcra Hakimiyyətinə istinadən məlumat verir ki, qurumun başçısı Niyazi Bayramov Gəncəçayın məcrasında sel sularının yaratdığı fəsada yerində baxış keçirib.
Bildirilib ki, yaz mövsümündə yağan intensiv yağışlar nəticəsində Gəncəçayda suyun səviyyəsi kəskin şəkildə artıb, nəticədə sel suları M.Bürcəliyev küçəsində yolun bir hissəsini yuyaraq sıradan çıxarıb və təhlükəli vəziyyət yaradıb.
Bununla əlaqədar olaraq, Niyazi Bayramov aidiyyəti qurum rəhbərləri ilə birgə ərazidə yaranmış təhlükəli vəziyyətə yerində baxış keçirib, müvafiq tapşırıq və tövsiyələrini verib.
