Əhalinin müxtəlif kateqoriyalarının maaş, müavinət və pensiyalarında artımlar və ya onlara əlavələr barədə geniş və açıq məlumat daim yayılsa da, dövlət idarəetməsinin müxtəlif qollaraında təmsil olunan vəzifəli şəxslərin məvacibi haqqında çox az bilgi var.
Yenisabah.аz-ın apardığı araşdırmaya əsasən, şəhər və rayon icra hakimiyyəti başçılarının maaşları onların rəhbərlik etdikləri ərazinin əhalisinin sayına uyğun hesablanır. Prezident İlham Əliyevin 1 mart 2022-ci il tarixli, 1609 nömrəli Fərmanına əsasən, icra başçıları vəzifə maaşının 1.5 misli qədər əlavə ödəniş də alırlar.
Beləliklə, Gəncə şəhər İcra Hakimiyyətinin rəhbərinin aylıq məvacibi 5625 manat təşkil edir.
Qeyd olunub ki, ölkə üzrə bütün icra başçıları üçün vahid maaş sistemi mövcud deyil.
