Gəncədə küçəyə atılan uşaqlar uşaq evinə yerləşdiriləcəklər. Bu haqda 26 oktyabr tarixində Report-a istinadən məlumat veririk.
Ötən gün 4 yaşlı oğlan və 3 aylıq qız uşağının nənələri tərəfindən İcra Hakimiyyətinin qarşısında tərk edilməsi barədə xəbər paylaşmışdıq. İcra başçısı Aparatının, Gəncə Şəhər Baş Polis İdarəsinin və Sosial Xidmətlər Agentliyinin əməkdaşlarının iştirakı ilə azyaşlılar xəstəxaya yerləşdirilmişdi.
Daha sonra uşaqların anası İlahə Natiq qızı Cəlilovanın narkotik aludəçisi olduğu, yaşadıqları evin tam şəraitsizliyi, ailənin sosial durumunun ağırlığı və nənənin uşaqlara baxmaq istəməməsi nəzərə alınaraq, İH tərəfindən Əmək və Əhalinin Sosial Müdafiəsi Nazirliyinə məlumat verilib.
Hərəkətə keçən qurumların tədbirləri nəticəsində uşaqların Bakı şəhərində yerləşən körpələr evlərindən birinə yerləşdirilməsi qərarına gəlinib. Buna səbəb Gəncə Şəhər Körpələr Evinin təmirə dayanmasıdır.
