Gəncədə tikinti materialları bazarında durğunluq yaşanır. Bu haqda 9 oktyabr tarixində Kəpəz televiziyasına istinadən məlumat veririk.
Payız fəslinin gəlişi ilə əlaqədar tikinti işləri ilə məşğul olanların sayı azalıb. Satıcılar bildirirlər ki, əvvəllər günə 10-15 müştəri olurdusa, indi onların sayı 5 nəfərə enib. Onların sözlərinə görə, qiymətlərdə də enmə var.
Lakin alıcılar iddia edirlər ki, materiallar bahalaşıb.
“Sement almağa gəlmişdik, 8 manat idi, indi olub 8.50. Taxta alasıyıq. 3 ay bundan əvvəl 280 manat idi. İndi olub 320-330 manat. Yəni qiymətlərdə dəyişikliklər çoxdur”, - deyə sakinlər bildirirlər.
Ekspertlərin sözlərinə görə, tikinti materialları bazarında ötən illə müqayisədə bu il ortalama 5-10 faiz artım müşahidə olunur. Bu hal həmin məhsulların Rusiyadan ixrac olunması ilə əlaqələndirilir.
