Gəncə sakini casusluğa görə saxlanılıb. Bu haqda 7 iyun tarixində Lent.az-a istinadən məlumat veririk.
Azərbaycanda İranın molla rejiminə xidmət edən və onları təbliğ edən şəxslərə qarşı əməliyyat tədbirləri həyata keçirilir.
Aparılan əməliyyat tədbirləri nəticəsində Gəncə şəhər sakini Mir Eşqin Seyidov saxlanılıb. O, narkotik vasitələrin qanunsuz dövriyyəsində də təqsirli bilinir.
Qeyd edək ki, Mir Eşqin Seyidov İran yönümlü radikal dini qruplaşmanın üzvü olub. Qrup üzvləri 2018-ci ildə Gəncədə ictimai asayişi pozmaqla hakimiyyət nümayəndələrinə qarşı zor tətbiq etməkdə təqsirli bilinərək həbs olunublar. Seyidov bir müddət əvvəl azadlığa çıxmışdı.
