Gəncəçayın məcrası boyu və çayın üzərindəki mövcud körpülərin ətrafında təmizlik aksiyası keçirilib.
Gencexeber.az bildirir ki, Mənzil Kommunal Təsərrüfatı İstehsalat Birliyinin (MKTİB) əməkdaşlarının cəlb olunduğu iməcilikdə, çayın sel sularının gətirdiyi və məsuliyyətsiz vətəndaşlar tərəfindən kənardan çayın hövzəsinə atılan məişət tullantıları, ağac qırıntıları, kol-kos və alaq otları bir yerə yığılaraq ərazidən daşınması təmin edilib.
Bundan başqa aksiya çərçivəsində Gəncəçayın sağ və sol sahilində mövcud zibil qutuları boşaldılıb, ətrafında səliqə-sahman yaradılıb.
MKTİB növbəti dəfə şəhər əhalisindən və xüsusən də çay kənarı obyekt sahiblərindən xahiş edir ki, məişət və digər tullantılarını çayın ərazisinə atmasınlar, bunun üçün təyin olunmuş konteynerlər Gəncəçay boyu yerləşdirilib.
