Xəbər verdiyimiz kimi, şəhərin Fikrət Əmirov küçəsində yerləşən beş mərtəbəli binanın 1-birinci mərtəbəsində yanğın hadisəsi qeydə alınıb.
Hadisə zamanı xəsarət alan Gülnaz Şahməmmədova Gencexeber.az-a açıqlama verib.
O bildirib ki, Adil Alıyev adlı şəxs onu hadisənin baş verdiyi ünvana gətirib:
“O adam mənim heç nəyim deyil. Düşmənçilik edirdi mənimlə. Bura gəlib-gedən adam deyiləm, iş adamıyam. Boğazımı da, əlimi də o kəsib. Pul istədiyinə görə, bir dəfə şikayət etmişəm, həmin gündən mənimlə düşmənçilik edirdi. Bu dəfə də məndən pul istəyirdi".
Qeyd edək ki, hadisə yerinə Fövqəladə Hallar Nazirliyinin Yanğından Mühafizə İdarəsinin yanğın söndürənləri və texnikası cəlb olunub. Edilən müdaxilə zamanı alov söndürülüb. Həmçinin polis və prokurorluq orqanı əməkdaşları cəlb olunub. Faktla bağlı Gəncə şəhər Prokurorluğunda araşdırma başlanılıb.
