Qadınlardan ibarət "Gəncə" voleybol klubu heyətini yeni oyunçu ilə gücləndirib.
Gencexeber.az məlumat verir ki, komanda kolumbiyalı voleybolçu Melissa Rangel ilə müqavilə imzalayıb. 30 yaşlı mərkəz oyunçusu son mövsümü vətənində "Beyond" klubunda keçirib. Boyu 193 santimetr olan oyunçu karyerası ərzində Peru, Portuqaliya, Braziliya və İspaniyada legioner həyatı yaşayıb.
Melissa Rangel fərdi nailiyyətləri ilə yanaşı, komandaları ilə də mühüm uğurlar qazanıb. O, Peru çempionatının və Portuqaliya Super Kubokunun qalibi olub.
Bundan başqa, Kolumbiya milli komandasının heyətində beynəlxalq arenada çıxış edən təcrübəli voleybolçu Pan-Amerika Oyunlarının qızıl, Pan-Amerika Kubokunun isə gümüş medalını qazanıb.
