Gəncəli şagird “Sabahın alimləri” XIV Respublika layihə müsabiqəsinin final mərhələsinə vəsiqə qazanıb.
Gencexeber.az Gəncə-Daşkəsən Regional Təhsil İdarəsinə istinadən məlumat verir ki, idarənin tabeliyində fəaliyyət göstərən 27 nömrəli məktəb-liseyin XI sinif şagirdi Hüseyn İsmayılov “Sabahın alimləri” XIV Respublika layihə müsabiqəsinin final mərhələsinə vəsiqə qazanıb.
O, kompüter elmləri nominasiyası üzrə "ALS və İflic Xəstələri üçün CNN ilə dəstəklənən Ucuz Qiymətli Göz Hərəkəti ilə Cihaz İdarəetmə Sistemi" layihəsi ilə müsabiqədə iştirak edəcək.
Qeyd edək ki, "Sabahın alimləri” respublika müsabiqəsi hər il ABŞ-də keçirilən ISEF – Beynəlxalq Elm və Mühəndislik Sərgisinə milli seçim turudur. Müsabiqədə ölkəmizin bütün regionlarında fəaliyyət göstərən ümumi təhsil müəssisələrinin IX-XI sinif şagirdləri iştirak edə bilərlər.
