Gəncədə yanğın baş verib. Bu haqda 24 noyabr tarixində Fövqəladə Hallar Nazirliyinə istinadən xəbər veririk.
Vəli Xuluflu küçəsindəki müəssisədə yanğın qeydə alınıb. Ərazidəki mazut və yağ çəlləkləri yanıb. Yanğından Mühafizə İdarəsinin qüvvələri hadisə yerinə cəlb olunub.
Məlum olub ki, yanğının səbəbi 10 tonluq çəndə əmələ gələn texniki qüsur olub. Nəticədə təxminən 100 kvadratmetr sahəyə dağılan 2 ton mazut və 3 ədəd 100 litrlik istifadəyə yararsız yağ çəlləkləri yanıb.
Alov qısa müddətdə söndürülüb.
