Samux rayonunda ət məhsulundan zəhərlənmə diaqnozu ilə xəstəxanaya yerləşdirilən şəxslərin sayı artıb.
Gencexeber.az-ın əldə etdiyi məlumata görə, hadisə ilə bağlı daha 6 nəfər Gəncədəki Abbas Səhhət adına Gəncə Birləşmiş Xəstəxanasının Yoluxucu Xəstəliklər Xəstəxanasına gətirilib.
Xəstəxanaya yerləşdirilənlər 2001-ci il təvəllüdlü Nuranə Vəliyeva, 1977-ci il təvəllüdlü Günay Əliyeva, 1986-cı il təvəllüdlü Nargilə Babayeva, 1974-cü il təvəllüdlü Tünzalə Cabbarova, 1986-cı il təvəllüdlü Sevinc Allahverdiyeva və 1984-cü il təvəllüdlü Şəmil Hacıyevdir.
Hazırda onların tibb müəssisəsində müalicələri davam etdirilir.
Qeyd edək ki, Samux rayonunda ət məhsulundan zəhərlənmə ilə bağlı daha əvvəl 5 nəfərin xəstəxanaya yerləşdirildiyi bildirilmişdi.
09:04
Samux rayonunda qidadan kütləvi zəhərlənmə hadisəsi baş verib.
Gencexeber.az-ın məlumatına görə, hadisə rayonun Alıuşağı kəndində qeydə alınıb. Beş nəfər – 1984-cü il təvəllüdlü Seymur Əliyev, 1986-cı il təvəllüdlü Elçin Cabbarov, 1975-ci il təvəllüdlü Mehriban Orucova, 1980-ci il təvəllüdlü Azər Allahverdiyev və 1976-cı il təvəllüdlü Məlahət Allahverdiyeva Gəncə şəhərində yerləşən Abbas Səhhət adına Birləşmiş Xəstəxananın İnfeksion Xəstəliklər bölməsinə yerləşdirilib.
İlkin ehtimala əsasən, vətəndaşların ət məhsulundan zəhərləndiyi bildirilir. Xəstəxanaya yerləşdirilən şəxslərin Kəlbəcər, Daşkəsən rayonları və Gəncə şəhərindən olduğu qeyd edilir.
Faktla bağlı araşdırma başlanılıb.
