Samux rayonunda Kür çayında batan 17 yaşlı qızın cansız bədəni tapılıb.
Gencexeber.az-ın məlumatına görə, Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin Şəmkir dalğıc-axtarış qrupunun xilasediciləri tərəfindən Gəncə şəhər sakini, 2009-cu il təvəllüdlü Gülnaz Elçin qızı Məmmədovanın cansız bədəni sudan çıxarılaraq aidiyyəti üzrə təhvil verilib.
Qeyd edək ki, hadisə ötən gün Kür çayının Samux rayonunun Yenikənd kəndi ərazisindən keçən hissəsində baş verib. İlkin məlumata görə, 17 yaşlı qız çayda çimərkən boğulub.
Məlumata görə, yeniyetmə ailəsi ilə birlikdə Kür çayının sahilində istirahətə gəlibmiş. O, bu il 11-ci sinfi bitirib. Gülnaz Məmmədova idmançı idi.
Faktla bağlı araşdırma aparılır.
