Gəncə Dövlət Dram Teatrının kollektivi festivalda iştirak edib. Bu haqda 14 oktyabr tarixində Gəncə Dövlət Dram Teatrına istinadən xəbər veririk.
Mədəniyyət ocağının heyəti Maltepe Beynəlxalq Teatr Festivalına qatılıb. Təmsilçilərimiz Ejen İoneskonun "Kral ölür" tamaşasını nümayiş ediblər. Əsərin quruluşçu rejissoru Tural Vaqifoğlu, rəssamı isə Mustafa Mustafayevdir.
Tamaşada əməkdar artistlər Elxan Yunis, Sevda Orucova, İlham Hüseynov, Kəmalə Məmmədova, aktyorlar Günay Cabbarova və Ruslan Hüseynov çıxış ediblər. "Kral ölür" səhnə əsəri tamaşaçılar və münsiflər heyəti tərəfindən böyük maraqla qarşılanıb.
