Gəncədə azyaşlıları küçəyə atan qadın müsahibə verib. Bu haqda 25 oktyabr tarixində Apa-ya istinadən məlumat veririk.
Mehriban Cəlilova nəvələrini İcra Hakimiyyətinin qarşısına qoymasının səbəbini açıqlayıb. O bildirib ki, qızı narkotik alidəçisidir. Qadın uşaqların anası ilə bağlı başqa ittihamlar da səsləndirib və bu halda azyaşlıların analarının yanında böyüməsini istəmədiyini deyib.
Cəlilovanın sözlərinə görə, qızı hər gün evdə dava salır və o, məcbur olaraq, bu addımı atıb. O bildirib ki, nəvələrindən imtina etməyib, onları müvəqqəti olaraq, İcra Hakimiyyətinə verib.
Yayılan məlumata əsasən, hadisə 21 oktyabr tarixində baş verib. Nənə qəyyumu olduğu azyaşlı oğul, bir saat sonra isə üç aylıq qız nəvəsini Gəncə şəhər İcra Hakimiyyətinin qarşısına gətirərək ərazini tərk edib.
"O, nəvələrinə qayğı göstərə bilmədiyini əsas gətirərək, onların dövlət müəssisəsinə yerləşdirilmələrini istəyib. İcra Hakimiyyətinin, Şəhər Baş Polis İdarəsinin və “Gəncə Şəhər Birləşmiş Xəstəxanası”nın əməkdaşları tərəfindən uşaqlar nəzarətə götürülüb. Onlar Uşaq Xəstəxanasına yerləşdiriliblər. Yaxın günlərdə isə uşaqlar dövlət müəssisəsinə veriləcəklər", - deyə Gəncə İH-dən bildirilib.
