Bu gün qərb bölgəsinin informasiya məkanında özünəməxsus yer tutan Kəpəz Televiziyasının fəaliyyətə başlamasından 32 il ötür.
1993-cü ilin yayında Gəncədə təsis edilən "Kəpəz Müstəqil Teleradio Şirkəti" Azərbaycanın ilk regional özəl televiziyası kimi efirə çıxıb. Televiziya yarandığı gündən Gəncə başda olmaqla ətraf rayonların informasiya təminatını həyata keçirir. Kəpəz TV-nin xəbərləri və orijinal verilişləri Qərb bölgəsində baş verən hadisələri izləyicilərə operativ və dolğun çatdırmaqla seçilir.
Fəaliyyəti dövründə Kəpəz TV 100-dən artıq sənədli və bədii layihəyə imza atıb, müxtəlif mükafatlara layiq görülüb. Bu televiziya təkcə informasiya vasitəsi deyil, həm də bölgənin mədəniyyət güzgüsüdür.
Gencexeber.az Kəpəz TV-nin yaradıcı heyətini bu əlamətdar gün münasibətilə təbrik edir, onlara yeni uğurlar və daim izləyici rəğbəti arzulayır!
