Yeni mövsümə hazırlaşan "Kəpəz"in toplanış dönəmində yoxlama görüşlərində qarşılaşacağı rəqiblər müəyyənləşib.
Sport24.аz xəbər verir ki, "sarı-göylər" Premyer Liqanın startına kimi bir neçə matç keçirməyi planlaşdırır.
Gələn ay Adil Şükürovun baş məşqçisi olduğu futbol klubu "Şamaxı" və "İmişli" ilə üz-üzə gələcək. Oyunların keçiriləcəyi tarix hələ dəqiqləşməyib.
Avqustun əvvəlində də gəncəliləri iki qarşılaşma gözləyir. Bu dəfə rəqiblər əcnəbi klublar olacaq. Qəbələyə toplanışa gələcək Küveyt təmsilçiləri "Kəpəz"lə yoxlama oyunları keçirəcəklər.
Qeyd edək ki, Misli Premyer liqasında yeni mövsüm avqustun 15-də start götürəcək.
