Kamil Tacid oğlu Xasiyev Azərbaycan Respublikasının Avstriya Respublikasında fövqəladə və səlahiyyətli səfiri təyin edilib.
Gencexeber.az xəbər verir ki, bununla bağlı Prezident İlham Əliyev müvafiq Sərəncam imzalayıb.
Qeyd edək ki, Kamil Xasiyev 15 aprel 1968-ci ildə Bakı şəhərində anadan olub. O, əslən Şəmkir rayonunun Qaracəmirli kəndindəndir.
Kamil Xasiyev diplomatik fəaliyyəti dövründə Azərbaycan Respublikasının Serbiya və Xorvatiyadakı fövqəladə və səlahiyyətli səfiri vəzifələrində çalışıb. O, həmçinin Azərbaycanın NATO yanında Nümayəndəliyində fövqəladə və səlahiyyətli səfir kimi fəaliyyət göstərib.
