“Rəqəmsal bacarıqlar” layihəsi çərçivəsində 10-cu sinifdə informatika təmayüllü IT siniflərində təhsil almaq istəyən 9-cu sinif şagirdləri üçün qəbul imtahanı təşkil olunub.
Gencexeber.az bildirir ki, şagirdlər 90 dəqiqə ərzində İT və məntiq yönümlü 20 sualı cavablandırmalı olublar.
Qeyd edək ki, Gəncə şəhər M.C.Paşayev adına 39 nömrəli tam orta məktəb, 21 nömrəli tam orta məktəb, 26 nömrəli məktəb-lisey və 28 nömrəli tam orta məktəbdə İT sinifləri fəaliyyət göstərir.
İT siniflərində təhsil alan şagirdlər “Rəqəmsal bacarıqlar” layihəsinin informatika təmayüllü siniflərində oxuyan şagirdlər proqramlaşdırma dilləri üzrə praktiki bacarıqlar qazanmaq imkanı əldə edəcəklər.
Bu siniflərdə informatika fənni həftədə 5 dəfə tədris ediləcək. Dərslərdə şagirdlərə Python, alqoritmlər və verilənlər strukturu, oyun dizaynı, şəhər mühitinin veb-dizayn və layihələndirilməsi kimi sahələr öyrədilməsi nəzərdə tutulub. Dərslər bu istiqamətlər üzrə təkmilləşdirilmiş təlim keçmiş müəllimlər tərəfindən keçiriləcək.
