Hazırda havaların isti və quraq keçməsi nəzərə alınaraq gündəlik olaraq Gəncə şəhər ərazisində mövcud yaşıllıqlara qulluq və suvarılma prosesi həyata keçirilir.
Gencexeber.az Gəncə şəhər Mənzil Kommunal Təsərrüfatı İstehsalat Birliyinə (MKTİB) istinadən məlumat verir ki, şəhərin park və istirahət mərkəzlərində, həmçinin digər yerlərdə əkilmiş ağaclara, salınan yaşıllıqlara lazımi aqrotexniki qulluq göstərilib.
Qeyd olunub ki, MKTİB-nin su çiləyici maşınları vasitəsilə hər gün suvarma işləri aparılır. Bundan əlavə bir sıra yaşıllıqlara da damcı-suvarma sistemləri də tətbiq olunub.
MKTİB tərəfindən Heydər Əliyev, Atatürk, Nizami Gəncəvi və Şah İsmayıl Xətai prospektlərində, İsmət Qayıbov, Üzeyir Hacıbəyov və digər küçələrdə, parklarda, xiyabanlarda, istirahət məkanlarında mövcud olan yaşıllıqların suvarılması təmin edilib, ağaclara aqrotexniki qulluq göstərilib.
