Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin müxtəlif ərazilərində İkinci Dünya Müharibəsi qəhrəmanlarının xatirəsinə ucaldılan abidələrin ətrafında genişmiqyaslı təmizlik işləri görülüb.
Gencexeber.az bildirir ki, qurumun əməkdaşları və texnikaları vasitəsilə adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib. Yığılan tullantılar bir yerə toplanaraq ərazidən daşınması təmin edilib. Sözügedən ərazilərdə zibil qutuları boşaldılıb, ətrafı isə təmizlənərək səliqəli şəkilə salınıb.
Gəncədə Əbədi Məşəl Kompleksi, “1941-1945” abiəsi və ilk azərbaycanlı Sovet İttifaqı Qəhrəmanı İsrafil Məmmədovun qəbrüstü abidəsi ətrafındakı mövcud yaşıllıqlara aqrotexniki qulluq göstərilib, suvarılması təmin edilib, yeni gül-çiçək əkilib.
