Tovuz rayonunda iki kişinin nəşi aşkarlanıb.
Gencexeber.az məlumat veriri ki, iki kişinin cansız bədəni rayonun Xatınlı avtomobil yolunda müəyyən edilib.
Ərazidə aparılan ilkin araşdırma zamanı mey!tl@rdən biri "VAZ-2107" markalı avtomobilin içərisində sıxılmış vəziyyətdə, digəri isə avtomobildən təxminən 100 metr aralıda su kanalının içində aşkar edilib.
Hadisə yerinə hüquq-mühafizə orqanlarının əməkdaşları və Fövqəladə Hallar Nazirliyinin (FHN) əməkdaşları cəlb olunub. Avtomobildə sıxılmış vəziyyətdə qalan cansız bədən xilasedicilərin köməyilə çıxarılıb.
Məlumata görə, mey!tl@rdən biri Xatınlı kənd sakini Səid Həziyevə, digəri isə "VAZ-2107" markalı avtomobilin sürücüsü, 1986-cı il təvəllüdlü Arzu Müseyibova məxsusdur.
İlkin ehtimala görə, avtomobil idarəetmədən çıxaraq yol kənarındakı su arxına düşüb. Hadisənin dəqiq səbəbləri araşdırılır.
Faktla bağlı Tovuz Rayon Prokurorluğunda araşdırma başlanılıb.
