Göygöl rayonunda 1980-ci il təvəllüdlü Məmməd keçmiş həyat yoldaşı Ramiləyə (adlar şərtidir – red.) xəsarət yetirib.
Demokrat.аz xəbər verir ki, hadisə ötən ilin fevralın 24-də baş verib.
Məmməd həmin gün saat 18 radələrində keçmiş arvadı Ramilənin yanına gedib və mübahisə edib. Aralarında yaranmış mübahisə zamanı onun bədəninin müxtəlif nahiyələrinə zərbələr vurub. Həmçinin həmin evdə mətbəxdən götürdüyü bıçaqla qadını vuraraq ona deşici-kəsici xəsarətlər yetirib.
Məmmədin barəsində Cinayət Məcəlləsinin 128-ci maddəsi ilə ittiham elan edilib. İş üzrə ifadə verən Məmməd ona elan olunmuş ittiham üzrə özünü təqsirli bilib.
O, ifadəsində göstərib ki, keçmiş yoldaşı Ramilə ilə mübahisələri olduğu üçün 2014-cü ildə boşanıb, ayrı yaşamağa başlayıb:
"Ayrıldıqdan sonra Ramilə oğlum ilə birlikdə yaşamağa başlasa da, arada onun evinə getmişəm. Hadisə günü Goranboy rayonunda qohumumun ad günüdə spirtli içki qəbul etdim və yaşadığım Göygöl rayonuna qayıtdığım zaman üzərimdə olan geyimlər çirkləndiyi üçün Ramilənin yaşadığı ünvana oğlumun geyimlərindən geyinmək üçün döndüm".
Təqisrləndirilən şəxs qeyd edib ki, daha sonra içkili olduğu üçün bir müddət Ramilənin yanında qalmış bacısı Aydanın onun sənədlərinin qarışdırıldığını, 10 manat pulunun götürüldüyünü deməsi yadına düşdüyü üçün onlara irad bildirib:
"Bu zaman Ramilə gələrək içəri keçdi, eyni iradları ona da bildirdim. Bundan sonra əsəbiləşərək stəkanda olan çayı onun üstünə tökdüm, sol qolunu bıçaqladım".
Zərərçəkmiş şəxs təqsirləndirilən şəxs ilə barışdığını, təqsirləndirilən şəxsin ona dəymiş ziyanı tam ödəndiyini, heç bir şikayət və tələbinin olmadığını, gələcəkdə də heç bir şikayəti olmayacağını göstərib. Göygöl Rayon Məhkəməsinin hökmü ilə Cinayət Məcəlləsinin 73.2-ci maddəsi tətbiq edilməklə təqsirləndirilən şəxs cinayət məsuliyyətindən azad edilib.
