Məşhur universitetlərdən birinin əməkdaşları Gəncəyə səfər ediblər. Bu haqda 9 oktyabr tarixində Report-a istinadən xəbər veririk.
Harvard Universitetinin nümayəndə heyəti Gəncə Avtomobil Zavodunda olublar. Onlar müəssisənin fəaliyyəti ilə yaxından maraqlanıblar. Görüşdə zavodun direktorunun birinci müavini Bağban Nəbiyev, baş tədqiqat meneceri Tim Çeston, tədqiqatçılar Xorxe Tapia, Felisiya Belosteçiniç və Aleksandro Rueda Sanaya iştirak ediblər.
Nəbiyev qonaqlara zavodun yenidən fəaliyyətə başladığı 2004-cü ildən bu günədək inkişafından, hazırda xətlər üzrə yığılan texnikalardan və bağlanmış müqavilələrdən danışıb.
Tədbirdə, həmçinin universitetin əməkdaşları zavod rəhbərliyi ilə gələcək planlardan danışıb və onları maraqlandıran sualları veriblər.
