Dünyanın məşhur universitetlərindən birinin əməkdaşları Gəncəyə gəliblər. Bu haqda 6 oktyabr tarixində ADAU-ya istinadən məlumat veririk.
Harvard Universitetinin bir qrup əməkdaşı İqtisadiyyat nazirliyinin təşəbbüsü ilə ölkəmizə səfərləri çərçivəsində Azərbaycan Dövlət Aqrar Universitetində olublar. ADAU-nun rektoru Zəfər Qurbanov Harvard Universitetinin Kennedi məktəbinin əməkdaşlarına - baş tədqiqat meneceri Tim Cheston, tədqiqatçılar Jorge Tapia, Felicia Belostecinic, Alejandro Rueda Sana Azərbaycanın yeganə aqrar ali təhsil ocağının maddi-texniki bazası və beynəlxalq əlaqələri barədə ətraflı məlumat verib. O bildirib ki, universitetdə bütün proseslərin rəqəmsallaşması, yeni beynəlxalq layihələrin həyata keçirilməsi və tədqiqat işlərinin aparılması gələcəkdə birgə əməkdaşlığı daha da zəruri edəcək.
Nümayəndə heyətinin rəhbəri Tim Cheston ADAU-da olmaqdan məmnun olduğunu qeyd edib.
Sonra qarşılıqlı əməkdaşlıq perspektivləri müzakirə olunub.
