Gəncədə daha bir ilkə imza atılır. Bu haqda Gencexeber.az-a 10 iyun tarixində məlumat daxil olub.
Şəhərimizdə ilk dəfə “Fantasium 2023 Cosplay” festivalı təşkil olunacaq. Məqsəd Nizami yurdunun kreativ gənclərini bir araya toplayaraq, onlara bacarıqlarını nümayiş etdirmək fürsəti verilməsidir. Burada kospley müsabiqələri, konseptə uyğun yarmarka, hədiyyəli yarışlar, yeməklər və içkilər, kompüter və stolüstü oyunlar, müxtəlif növ əyləncələr və s.olacaq.
Festival 30 iyun tarixində Sabir küçəsində qapalı məkanda baş tutacaq. İştirak haqqı 15 manat təşkil edir. Qatılmaq üçün gənclər ad və soyadlarını (050) 421 82 00 nömrəsinə göndərməlidirlər. Məkanın dəqiq ünvanı qeydiyyatdan keçən şəxslərə bildiriləcək.
Qeyd edək ki, kospley - müxtəlif aksesuar və geyimlərdən istifadə edərək hər hansı film, anime, oyun, kitab və s. qəhrəmanlarının canlandırılmasıdır.
