Gəncədə qanunsuz tikintilər aşkarlanıb. Bu haqda 2 noyabr tarixində İcra Hakimiyyətinə istinadən xəbər veririk.
Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin Əmlak Məsələləri Dövlət Xidmətinin 3 saylı İdarəsinin və hüquq-mühafizə orqanlarının nümayəndələri yoxlama keçiriblər. Nəticədə müvafiq icazəverici sənədləri olmadan bir neçə qeyri-yaşayış sahəsinin tikintisinin aparıldığı aşkarlanıb.
Şəhərin Məhsəti qəsəbəsində 2, İsax Cəfərov küçəsində 1, Azərbaycan Bayrağı küçəsində 1 və Səbuhi Əliyev ilə Abbas Səhhət küçələrinin kəsişməsində yerləşən 1 qanunsuz inşa edilən obyektlər mövcuddur.
Aidiyyəti qurumlar tərəfindən adıçəkilən ərazilərdəki tikinti işləri dayandırılıb və söküntüsü təmin edilib.
