Gəncə şəhər sakinləri quldurluq və narkotikə görə saxlanılıblar. Bu haqda 24 oktyabr tarixində DİN-ə istinadən məlumat veririk.
Baş Polis İdarəsinin 3-cü Polis Bölməsinin əməkdaşları əməliyyat-axtarış tədbirləri keçiriblər. Nəticədə şəhər sakini olan qadına kəsici alətlə üz nahiyəsindən xəsarət yetirərək onun ümumilikdə 637 manat dəyərində əmlakını quldurluq yolu ilə ələ keçirməkdə şübhəli şəxs saxlanılıb. O, istintaqa təhvil verilib.
Bundan başqa, şəhər ərazisində narkotiklərin qanunsuz dövriyyəsinə qarşı aparılan mübarizə çərçivəsində 74 nəfər saxlanılıb. Onların üzərinə, avtomobillərinə, yaşadıqları evlərə və digər yerlərə baxış keçirilən zaman müxtəlif çeşidli narkotik vasitələr, o cümlədən güclü təsiredici gücə malik narkotik maddələr aşkar edilərək götürülüb.
Həmçinin bildirilib ki, saxlanılanların 12 nəfəri sükan arxasında narkotik vasitə qəbul edən şəxslərdir.
Faktlarla bağlı şəhər Baş Polis İdarəsində cinayət işi başlanılıb, araşdırmalar davam etdirilir.
[modula id="48511"]
