Tovuzda güclü dolu əkin sahələrinə və meyvə ağaclarına zərər vurub.
Gencexeber.az-ın məlumatına əsasən, gecə saatlarında güclü yağışdan sonra yağan dolu rayonun Əhmədabad kəndində ciddi fəsadlar törədib.
Sel suları sakinlərin əkin sahələrinə dolub, təsərrüfata və kəndin yollarına ciddi ziyan dəyib. Həmçinin elektrik enerjisinin verilməsində fasilələr yaranıb.
Hazırda rayon Fövqəladə Hallar Komissiyasının rəsmiləri əraziyə baxış keçirir. Həmçinin yollar daş və çınqıldan təmizlənir.
