Göygöl rayonunun girişində yol ayrıcında istiqamət göstərən yol nişanlarının olmaması sürücülər üçün ciddi problemə çevrilib.
Gəncə və ətraf ərazilərdə yaşayan yerli sakinlər bu yol ayrıcını tanısa da, bölgələrdən gələn sürücülər üçün bu ərazi çaşqınlıq yaradır.
Sürücülərin Gencexeber.az-a verdiyi məlumata görə, yol ayrıcında Şəmkir və Bakı istiqamətini göstərən heç bir işarə yoxdur. Bu da, xüsusilə gecə saatlarında, təhlükəli vəziyyət yaradır və qəza riskini artırır.
“Şəmkirə və ya Bakıya getmək üçün hansı istiqamətə dönəcəyini bilməyənlər yolda dayanaraq digər sürücülərdən məlumat öyrənmək məcburiyyətində qalır. Yol nişanlarının olmaması həm vaxt itkisinə, həm də təhlükəli manevrlərə səbəb olur. Məsul qurumlardan tələb edirik ki, yol ayrıcında istiqamət göstərən nişanlar quraşdırılsın,” – deyə narazı sürücülər bildirir.
