“Təbəssüm yaradın” xeyriyyə layihəsinin komandası ucqar dağ kəndlərində yaşayan şagirdlərə dəstəyini davam etdirir.
Gencexeber.az məlumat verir ki, bu dəfə Goranboy rayonu ərazisində yerləşən Sahib Pirəliyev adına Buzluq kənd tam orta məktəbin şagirdlərinə hədiyyələr təqdim edilib.
Məktəblilərə bel çantası, dəftər, qələm, karandaş, dərs ləvazimatları, ayaqqabı və oyuncaqlar paylanılıb. Əsas məqsəd isə uşaqlarda təhsilə həvəs yaratmaq, onlara qayğı hiss etdirməkdir.
“Minlərlə uşaq maddi imkansızlıq ucbatından məktəbi tərk etmək məcburiyyətində qalır. Uşaqlar dərs oxumalı, oynamalı, əylənməli və şən səsləri ilə məktəb dəhlizlərini doldurmalıdırlar” – bu sözləri layihə çərçivəsində səfərdə iştirak edən gəncəli loqoped və defektoloq Aytac Əliyeva söyləyib.
