Gəncə tarixi məktəblilərin dili ilə təqdim olunub.
Gencexeber.az məlumat verir ki, Gəncə şəhər Nizami Aydın adına 18 nömrəli tam orta məktəbin rus bölməsinin 5ç sinif şagirdləri maraqlı layihəyə imza atıblar. Belə ki, onların iştirakı ilə şəhərin tarixi məkanlarını əhatə edən informativ və maarifləndirici videoçarx hazırlanıb.
Layihənin təşəbbüskarı məktəbin tarix müəllimi Afaq Novruzova olub. Pedaqoq xanım bildirib ki, məqsəd şagirdlərdə doğma şəhərin tarixi irsinə maraq oyatmaq və onları bu mövzuda araşdırmalara cəlb etməkdir.
Videoçarxda Gəncənin bir sıra tarixi abidələri, mədəniyyət nümunələri və görməli yerləri təqdim olunur. Şagirdlər bu məkanlar barədə topladıqları məlumatları bədii və şərh formatında təqdim ediblər.
