Gəncədə tanınmış əczaçı Eldar Səlim oğlu Əhmədov vəfat edib.
Gencexeber.az-ın əldə etdiyi məlumata görə, 1954-cü il təvəllüdlü Eldar Əhmədov beyin qanaması nəticəsində dünyasını dəyişib.
Mərhum uzun illər əczaçılıq sahəsində fəaliyyət göstərib, şəhərin tanınmış apteklərindən birində çalışaraq minlərlə sakinə xidmət edib. O, həmçinin Əfqanıstan müharibəsi veteranı olub.
Eldar Əhmədov onu tanıyanlar arasında xeyirxah, əliaçıq və insanlara kömək etməyi sevən şəxs kimi yadda qalıb. Yaxınlarının və tanışlarının sözlərinə görə, o, hər zaman ehtiyacı olan insanlara dəstək göstərməsi ilə seçilib.
Mərhum "İmamzadə" ziyarətgah kompleksinin qəbiristanlığında torpağa tapşırılıb.
Allah rəhmət eləsin.
