Azərbaycan futbol millisi Gəncədə oynayacaq.
Bu barədə sportinfo.аz-a Azərbaycan Futbol Federasiyaları Assosiasiyasından (AFFA) məlumat verilib.
Bildirilir ki, sentyabr ayında UEFA Millətlər Liqasında yeni mövsüm start götürəcək. D liqasında mübarizəyə qoşulacaq Azərbaycan millisinin rəqibləri Litva və Lixtenşteyn yığmaları olacaq.
İlk ev oyununda Ayxan Abbasovun yetirmələri Lixtenşteyni qonaq edəcək. Federasiya rəsmiləri məhz bu görüşün Gəncə şəhər stadionunda keçirilməsinə qərar verib.
Qeyd edək ki, yenidən tikilən Gəncə şəhər stadionun açılışı ötən il olub. Lakin meydanın ot örtüyü hazır olmadığı üçün "Kəpəz" hələ də ev oyunlarını Yevlaxda keçirir.
