Xəbər verdiyimiz kimi, Gəncədə bir neçə ünvanda qəzalı vəziyyətdə olan dirəklər sakinlərin narahatlığına səbəb olmuşdu.
Gencexeber.az-ın məlumatına görə, 20 nömrəli məktəbin arxasında yüksək gərginlikli elektrik xəttinin dirəyi əyilmiş vəziyyətdə idi. Oxşar hal Əhvədi Marağalı küçəsində də müşahidə olunmuşdu.
Ərazilərdə yaşayan sakinlərin sözlərinə görə, dirəklərin aşma təhlükəsi və üzərindəki naqillərin sallanması insanlar üçün ciddi risk yaradırdı.
Məlumat dərc edildikdən sonra aidiyyəti qurumların canlı qüvvəsi və texnikası 20 nömrəli məktəbin arxasındakı əraziyə cəlb olunub. Qısa müddət ərzində dirəkdəki nasazlıq aradan qaldırılıb, torpaqlama işləri icra edilib.
Əhvədi Marağalı küçəsindəki çürümüş dirək tamamilə ərazidən götürülüb.
Beləliklə, sakinlər üçün təhlükə yaradan hal aradan qaldırılıb.
