Türkiyənin Eskişehir və Kırşehir şəhərlərində Qarabağ şəhidlərinin əziz xatirəsinə ehsan mərasimi təşkil olunub.
Gencexeber.az-ın məlumatına görə, tədbirlərdən biri Eskişehirdə təhsil alan Gəncə şəhərindən olan tələbələrin təşəbbüsü ilə baş tutub. Orada şəhidlərin ruhuna dualar oxunub, xatirələri ehtiramla yad edilib. Mərasim Gəncə şəhər M.Ə.Sabir adına 5 nömrəli tam orta məktəbin məzunları Bahadur Əliyev və Elxan Mirzəyev, eləcə də İsmət Qayıbov adına 1 nömrəli tam orta məktəbi bitirən Elcan Musayev və Yusif Cəlilov tərəfindən təşkil olunub.
Bundan əlavə, şəhidlərin adına ehsan mərasimi Türkiyənin Kırşehir şəhərində də keçirilib. Tədbirdə yerli sakinlərlə yanaşı, şəhərin millət vəkili də iştirak edib.
Mərasimin təşəbbüskarları 22 yaşlı iki Gəncə sakinləri olub. Bizneslə məşğul olan İlkin və Orxan adlı gənclər şəhidlərin xatirəsini yad etmək məqsədi ilə ehsan paylayıblar.
