Gəncə şəhərində aerobika gimnastikası üzrə gənclər və 15 yaşadək idmançılar arasında keçirilən Avropa çempionatı başa çatıb.
Gencexeber.az-ın məlumatına görə, yarışın son günündə Türkiyə komandasının çıxışı tamaşaçılar tərəfindən böyük coşqu ilə qarşılanıb. Çempionatı uğurla başa vuran Türkiyə kollektivi Gəncə İdman Sarayından ayrılarkən çoxsaylı şəhər sakinləri tərəfindən alqışlarla yola salınıb.
Qeyd edək ki, Gəncə İdman Sarayında üç gün davam edən Avropa çempionatında 20 ölkədən 380 gimnast iştirak edərək qitə birinciliyi uğrunda mübarizə aparıb. Yarışlar yüksək səviyyədə təşkil olunub və Gəncə idmansevərlərinin böyük marağına səbəb olub.
