2026-cı ilin yanvar-mart aylarında Gəncə şəhərində ictimai iaşə dövriyyəsi və ödənişli xidmətlər haqqında statistik məlumatlar açlıqlanıb.
Bu barədə Gencexeber.az-a Gəncə Şəhər Statistika İdarəsindən məlumat verilib.
Gəncə şəhərində 2026-cı ilin yanvar-mart aylarında ictimai iaşə dövriyyəsinin həcmi əvvəlki ilin eyni dövrü ilə müqayisədə 4,9 faiz artaraq 16,4 milyon manat təşkil edib. Dövriyyənin 16,0 milyon manatı fiziki şəxslərin hesabına təmin olunub.
2026-cı ilin yanvar-mart aylarında əhaliyə göstərilən ödənişli xidmətlərin dəyəri 2025-ci ilin müvafiq dövrünə nisbətən real ifadədə 7,9 faiz artaraq 144,8 milyon manat təşkil edib. Hüquqi şəxslər tərəfindən əhaliyə 46,7 milyon manatlıq xidmət göstərilib və xidmətlərin ümumi dəyərinin 32,3 faizini təşkil edib. Ödənişli xidmətlərin 12,7 faizi dövlət, 87,3 faizi isə qeyri-dövlət mülkiyyətindən ibarət olub.
